睇老夫子漫畫係兒時同屋企人飲茶嘅指定動作，而家睇番，依然覺得好正！哈！最近太子開咗間以老夫子為主題嘅餐廳，有袋有公仔有模型，仲有好多耐人尋味嘅菜式，各位粉絲，係時候重拾兒時回憶！

一入門口，就見到大量老夫子大番薯精品，有袋有公仔有模型，兒時回憶返晒嚟！

打扮成侍應嘅老夫子係門口迎接你！

負責人表示，為配合形象，餐廳嘅食物走懷舊路綫，可以食到阿爸阿媽年代食嘅豉油西餐！菜式名更搞鬼，會用番老夫子漫畫入面啲嘅題命名，好似「耐人尋味」，即係招牌嘅瑞士汁乳鴿，「曇花一現」係雪糕、「世事難料」係凍檸檬紅茶！淨係睇番啲名，啲回憶都已經返晒嚟！

連個餐牌都是老夫子嘅個大頭，fans表示好想keep返個。

啲菜式名全部用返漫畫標題命名，小記最愛「耐人尋味」！

餐廳內有大量老夫子蹤跡，絕對不是曇花一現！

預告住咁多先，想知老夫子餐廳仲有咩好食？密切留意 UFood 嘅詳盡報道喇！

老夫子餐館 OMQ Dining Room

地址：太子彌敦道 777 號安寶樓 1 樓

電話：3702 1678

營業時間：11am - 12am

資料來由: U Food